रुपन्देही :- रुपन्देहीमा दुई मोटरसाइकल ठोक्किँदा एक जनाको मृत्यु भएको छ भने तीन जना घाइते भएका छन्।
प्रहरीका अनुसार आज दिउँसो तिलोत्तमा नगरपालिका–२, तपाहा लाइनस्थित सडकमा लु६१प ५८७८ र लु६८प ५२३६ नम्बरका मोटरसाइकल ठोक्किँदा दुर्घटना भएको हो।
दुर्घटनामा लु६८प ५२३६ नम्बरको मोटरसाइकल चालक, सैनामैना नगरपालिका–१, सादभोद्रका २८ वर्षीय जीवन चौधरी गम्भीर घाइते भएका थिए। उनलाई चौराहा अस्पतालमा उपचारका क्रममा मृत्यु भएको प्रहरीले जनाएको छ।
यस दुर्घटनामा लु६१प ५८७८ नम्बरको मोटरसाइकलमा सवार दुई जना र लु६८प ५२३६ नम्बरको मोटरसाइकलमा सवार एक जना घाइते भएका छन्। घाइतेहरूको उपचार सोही अस्पतालमा भइरहेको प्रहरीले जानकारी दिएको छ।
तपाईको प्रतिक्रिया
